Gardsrestaurant

Vår koselege gardsrestaurant ”Kjedlaren” finn de i kjellaren i kårhuset.

Tidlegare vart kjellaren nytta til sorterings av frukt, men i 2007 vart lokala totalrenoverte. Den før så kalde kjellaren er vorten ljos, varm og triveleg, og store vindauge gjer at den flotte utsikta kan nytast til fulle. Nye garderobar og toalett er også på plass, og lokala er tilrettelagde for rørslehemma.

Kjedlaren kan nyttast til alle typar arrangement året rundt, til dømes åremålsdagar, barnedåp, konfirmasjon, bryllaup, vennefestar eller blåturar. Lokalet rommar om lag seksti personar.

Lokala er også veleigna til kurs og møte. Om deltakarane skal eta undervegs, er talet på gjester maks 30. Me har prosjektør, lerret og tilgang til Internett.

I samarbeid med MICE Hordaland har me laga til ulike tilbodspakkar for kurs/konferanse i Hordaland.

SERVERING:

På menyen står heimelaga tradisjonsmat, gjerne med lokale råvarer. Me serverer lunsj, middag, koldtbord og enklare rettar, alt etter dykkar ynskje.

Kjedlaren har skjenkeløyve for øl, vin og brennevin.

Meny finn du her

CATERING:

Steinstø Fruktgard kan også levera mat til ulike arrangement.

Meny finn du her